ԳԱԼՍՏՅԱՆ ՍԻՄԱԿ ՀԱՄԱԶԱՍՊԻ
ՍԻՄԱԿ ԳԱԼՍՏՅԱՆ
Սիմակ Համազասպի Գալստյանը ծնվել է 1937 թվականի հունվարի 20-ին ՀՀ
Կոտայքի մարզի Գեղաշեն գյուղում (նախկինում՝ Հրազդան):
1945-1946 ուստարում ընդունվել է Հրազդանի միջնակարգ դպրոց և այն ավար-
տել 1955-ին արծաթե մեդալով: Սիմակ Գալստյանը դպրոցի առաջին մեդալակիրն է:
1955-1960 թվականներին սովորել և ավարտել է Երևանի պոլիտեխնիկական
ինստիտուտը՝ ստանալով ինժեներ-էլեկտրիկի մասնագիտություն: Ուսմանը զուգըն-
թաց՝ 1958-1960 թվականներին, աշխատել է Երևանի օդերևութաբանական կայանում
գազագեներատորավարի մասնագիտությամբ, իսկ 1960-1968 թվականներին՝ «Հայ-
էլեկտրամեքենա» միավորումում:
1968-1972-ին եղել է Երևանի կիսահաղորդիչների հատուկ կոնստրուկտորա-
տեխնոլոգիական բյուրոյի փորձարարական կայանի պետ, 1972-1977-ին՝ միկրոէլեկ-
տըրոնիկայի գիտահետազոտական ինստիտուտի էլեկտրառադիոչափումների բազա-
յին լաբորատորիայի պետ:
1968-1973-ին սովորել է Հայաստանի հասարակական ասպիրանտուրայում:
1983-ին պաշտպանել է թեկնածուական թեզ՝ ստանալով տեխնիկական գիտու-
թյունների թեկնածուի աստիճան:
1977-1994-ին աշխատել է կապի գիտահետազոտական ինստիտուտում՝ որպես
էլեկտրոնային սարքավորումների մշակման բաժնի լաբորատորիայի պետ: 1985-1990
թվականներին Երևանի ճարտարագիտական համալսարանում նա դասախոսել է
<<Միկրոմեքենաներ և միկրոպրոցեսորներ>> առարկան:
1994-1995-ին Սիմակ Գալստյանը եղել է ՀՀ կապի նախարարության <<ԻՆՖՈ-
ԿՈՄ>> ՓԲԸ ուսումնական կենտրոնի պետ և համակարգչային գրագիտության դաս-
ընթացների դասախոս, 1995-1996-ին՝ <<ԻՆՖՈԿՈՄ>> ՓԲԸ <<ԻՆՖՈԿՈՄ-ՍԵՐՎԻՍ>>
Դ/Ձ ուսումնական կենտրոնի պետ, իսկ 1996-2006-ին ընտրվել է <<ԻՆՖՈԿՈՄ -
ԹՐԵՅՆԻՆԳ>> ՓԲԸ -ի գործադիր տնօրեն:
2004-ին նա աշխատել է <<CIT>> բաժնետիրական ընկերությունում՝ որպես
դասախոս:
2005-2006 թվականներին աշխատել է <<ԷԼԵԿՏՐՈՆԱՅԻՆ ՀԱՅԱՍՏԱՆ>> հիմ-
նադրամի դասընթացների համակարգող և մասնագետ, այնուհետև՝ փորձագետ և
դասախոս: Այս ամենին զուգահեռ տարբեր տարիներին <<Ինֆորմատիկա>> առար-
կա է դասավանդել Երևանի թիվ 136, 187 դպրոցներում և այլ տեղերում:
Սիմակ Գալստյանը կատարել է բազմաթիվ ուսումնասիրություններ էլեկտրո-
նիկայի բնագավառում և ստացել հեղինակային 2 գյուտի վկայական: Նա ունի 25-ից
ավելի գիտական աշխատություն, 50-ից ավելի նորարական առաջարկություններ,
ինչպես նաև <<Երկխոսություն համակարգչի հետ>> շարքի 13 ձեռնարկ և ուսումնա-
կան գրքեր: Նա հեղինակ է նաև 3 գեղարվեստական գրքերի:
Աշխատանքային 50 տարիների ընթացքում նա պարգևատրվել է բազմաթիվ
մեդալներով, պատվոգրերով, շնորհակալագրերով և հուշամեդալներով:
Վաստակաշատ գիտնականը երկարամյա բեղմնավոր աշխատանքից հետո վա-
յելում է իր «ակտիվ» հանգիստը՝ շարունակելով ստեղծագործել և թղթին հանձնել
տարիների իր արթուն հուշերն ու խոհերը, գրելով արձակ և չափածո հետաքրքիր
գործեր: Նրա սուր գրիչն ու միտքը դեռ շատ պիտի աշխատի՝ «կերտելով» իր ու մեր
ժամանակների կյանքը ներկայացնող նորանոր հերոսներ:
Սիմակ Գալստյանն ունի երկու որդի, որոնցից ավագը՝ Լևոն Գալստյանը,
շարունակում է հոր գործը գիտության բնագավառում: