Համապետական շաբաթօրյակ Գեղաշենի միջնակարգ դպրոցում
Այսօր՝ 2017թվականի հոկտեմբերի 21-ին, Գեղաշենի Ռազմիկ Ստեփանյանի անվան միջնակարգ դպրոցում տիրում էր աշխատանքային տրամադրություն: Դպրոցում էին բոլորը՝ ուսուցիչներ,աշակերտներ, ծնողներ,որոնք հենց ժամը իննից «Առավել մաքուր և բարեկարգ դպրոց» նշանաբանով, ուրախ և եռանդուն սկսեցին շաբաթօրյակը:
Բոլոր դասարանների աշակերտներն ընդգրկված էին դպրոցի բակի և դասասենյակների մաքրման աշխատանքներին: Ցածր դասարանների աշակերտների ծնողները, ուսուցիչները, դասղեկները մաքրեցին դասասենյակները: Բարձր դասարանների տղաները մաքրեցին դպրոցի բակը, բակամերձ տարածքը, ֆուտբոլի դաշտը՝ ֆիզկուլտուրայի ուսուցիչ Անդրանիկ Թադևոսյանի և զինղեկ Գարիկ Հովհաննիսյանի հսկողությամբ:
Աշխատանքներն ավարտելուց հետո նույն ոգևորությամբ աշակերտներն իրենց ուսուցիչների հետ արդյունքը ներկայացրերին տնօրեն Նաիրա Բաբայանին: